Кадык гайги морось Евгений Самаркин

Кадык гайги морось

Вишка шкасто саезь мон арсилинь,
Кода бу понгомс покш сцена лангс.
Ней вана аштян икеленк,
Капшан невтемс умонь велем,
Весенень тыненк моро морамс.

Мороюткось:
Кадык гайги эсень ладсевкс морось,
Кадык маряст монь весе масторось,
Кода моры велень, эрзянь церась,
Кодамо Пазось часия тень макссь!
Те мородонть ломанесь авардевсь,
Кунсолы рунгось, чевтьстэ пейдезевсь,
А евтавишка потсон мельспарось,
Зярдо тыненк моран эсень морость.

А онкстави монень весе парось,
Конань тень теизь тетям-авам,
Кода евтынь васень валом,
Кода якилинь аксялов,
Весе теде моросон моран.

Мороюткось:
Кадык гайги эсень ладсевкс морось,
Кадык маряст монь весе масторось,
Кода моры велень, эрзянь церась,
Кодамо Пазось часия тень макссь!
Те мородонть ломанесь авардевсь,
Кунсолы рунгось, чевтьстэ пейдезевсь.
А евтавишка потсон мельспарось,
Зярдо тыненк моран эсень морость.

Од порань церакс ламо ледстнемат,
Эйзэст мельс путан ансяк ней.
Сэредсти васень вечкемась,
Валскес ушова чийнемась,
А сэреди морыця седей.

Мороюткось:
Кадык гайги эсень ладсевкс морось,
Кадык маряст монь весе масторось,
Кода моры велень, эрзянь церась,
Кодамо Пазось часия тень макссь!
Те мородонть ломанесь авардевсь,
Кунсолы рунгось, чевтьстэ пейдезевсь.
А евтавишка потсон мельспарось,
Зярдо тыненк моран эсень морость.