Чурттаай-ла мен Херел Мекпер-оол

Өйү кээрге черже хадаан бүрүлер дег
Чалыы назын ындыг дүрген эртери ол бе
Өлүм биле кырыыр назын турбаан болза
Чалыы назын мөңге хевээр артар ийик

Хаялыг хүн адаан орта төрүттүнген
Салымымның багын аар деп чарбывас мен
Күжүр авам чаяап берген чуртталгамны
Санап каан хуусаазын чурттаай-ла мен

Чуртталга дээш, ынакшыл дээш
Чурттаай-ла мен!
Шынап харын, күжүм чедер
Аныяк мен!

Караам чажын кым-даа көөрүн күзевес мен
Хомудалым кымга-даа мен сөглевес мен
Сеткилимниң ажыңнаткан кударалын
Сагыжымга чажыт болуп артып калзын

Амдыызында ажырбас мен
Аныяк мен!
Чечек ышкаш чурталгамны
Чурттаай-ла мен!